قررت البس خمار ولكن…
شوفت المسچ وبعدين لقيته عاملي بلوك من ع الواتس، ومن ع كُل الأبلكيشنز، عيط جامد، قلبي كان واجعني أوي، كنت مقهورة، لي يعمل كده أنا حبيته والله، لي يكسر قلبي بالشكل ده، أنا ضحيت بكُل حاجة عشانه، عشانه هو بس كسرت ثقة أهلي فيَّ، وعصيت ربنا! ورخـ..صت نفسي، حسيت أد أيه كُنت غبية ومخدوعة، قلبي كان مُهشم بطريقة فظيعة، قعدت أعيط وأنا بفتكر كلام زينب ودُعاء، كان معاهم حق، بس أنا اللِ كُنت معميه، كُنت غبية أوي بجد.
فضلت أعـیط طول الليل وأنا متکـورة ع نفسي فِـ الأو.ضة نمت من غير ماحس من كُتر العياط.
صحيت تاني يوم وأنا مقررة أواجهه وأسأله هو عمل معايَّ كدا لي، كانت الساعة وقتها”9 الصبح”، قررت أني أروح لُه الجامعة.
لبست ونزلت عشان أروح لُه، ركبت العربية ونزلتني قُدام باب الجامعة.
أتصنمت مكاني وأنا بشوفه واقف مع بنت وماسك أيدها وبيضحكلها، قربت شوية منهم وأنا عيني مليانة دموع، ولحظة وهنهار.
وقفت قُدامه وقولت بكسرة وعيني بتدمع:
= لي؟ لي عملت كدا حرام عليك، لي تكسرني بِـ الشكل ده؟
حسيته أتوتر لمّا شافني خصوصًا إنه مش لوحده، بس بعد كدا تدارك الأمر وشد أيدي وقال:
– لحظة يـٰ شهد جاي حالًا وهفهمك.
شدني وراه وراح فِـ حتة مفيهاش ناس نسبيًا، وقال بنرفزة:
– عاوزة إيه يـٰ رويدا أنا مش نهيت كُل حاجة أمبارح جاية ورايَّ لي؟
= جاية أفهم أنتَ عملت كدا لي؟
أتأفأف وقال بعصبية وقرف:
– مليت منك، وزهقت، كُنت فترة تسلية وعدت، حلي عني بقا خلي عندك كرامة.
عيني دمعت وأتصدمت يعني فِـ الأخر كان بيتلسىٰ رديت عليه بحرقة، وأنا مش شايفه من دموعي:
= لي تعلقني بيك طيب، أنتَ قولت إنك بتحبني وهتتجوزني لي، حرام عليك أنا عملتلك أي عشان تعمل معايَّ كده.
بصلي ببرود وقال بسخرية:
– أتجوزك أي أنتِ بتحلمي، أنا كُنت بتسلىٰ يـٰ حلوة، وبعدين أنا مضربتكيش ع أيدك عشان تكلميني، أنتِ اللِ أدتيني فرصة من البداية، فَـ متجيش تحطي الخق عليَّ دلوقت.
بصتله بِـ كُره وخذلان يكفي العالم كُله، وأنا عيني مش عاوزة تبطل دموع.
بصلي ببرود وقال بإبتسامة سخرية قبل مايمشي:
-سلام يـٰ دودي
ومشي وسابني، روحت البيت وأنا تايهة، فعلًا معاه حق أنا اللِ أديت لُه فرصة أنه يضحك عليَّ من البداية، كُنت مُغفلة وقعني فيه من شوية كلام معسول، أد أيه كُنت غبية بجد، بسببه بعدت عن أهلي وكسرت ثقتهم فيَّ، وأهملت دراستي، وبعدت عم ربنا، و و أغضبته، رضيت أكلمه وأنا عارفة ومُتأكدة أنه حرام.
فضلت أعيط بحرقة ووجع ميتوصفش، دُعاء كان معاها حق مفيش شيئ ربنا مش راضي عنه بيكمل للآخر.
مسحت دموعي وقررت أبدأ صفحة جديدة مع ربنا، وأقرب من عيلتي أكتر، دخلت الحمام بِـ حمل ع كتافي ميتوصفش، أتوضيت ولبست الأسدال، وفرشت سجادة الصلاة، وصليت ركعتين
