ليلى
كان واقف في ملهى ليلي (كبا*ريه) يعني عمال يشرب و في افكار كتير بدور في راسه مش عارف يتخلص منها لحد ما لقى دوشه عاليه و صوت صويت و راح يشوف في ايه لقى واحد سكر*ان بيحاول يعتدي على بنت و هي عماله تصوت و بتحاول تبعده عنها و الكل واقف بيتفرج محدش حاول يدافع على البنت رمى الكوبايه من ايديه و نزل ضرب في الشاب و كان خلاص الشاب بيموت في ايده و كانه ما صدق يطلع غله و غيظه كله فيه.
البنت في سرها: يالهوي ده هيخلص عليه… جرت عليه و شدته لحد ما الشاب قام و هرب.
خد حاجته و طلع عشان يمشي.
البنت خدت حاجتها و جرت وراه.
البنت: ثانيه لو سمحت استنى.
وقفلها و قال ببرود: نعم!
البنت بإبتسامة: شكرا.
بص لهيئتها بقرف و مشى ركب عربيته و سابها..
(كانت لابسه فستان اسمر بيلمع و ضيق جدا و قصير لحد الفخد)
البنت بصتله بمكر و قالت: ماشي🤌
روح بيته و دخل اوضته اترمى على السرير بلبسه و نام..
وصلت البنت لبيتها هي كمان و غيرت هدومها بإرهاق و نامت جنب اخواتها اللي كانوا لسه صغيرين( بنت و ولد) و الشقه برضو كانت صغيره جدا تدل على حاله الفقر اللي بيعيشوا فيها.
تاني يوم الصبح كان بيلبس و نازل الشغل لقى…
الخادمه: صباح الخير ي بيه.
مراد: قولي عايزه ايه؟
الخادمه: الشغل بقى كتير اوي عليا لما ناديه مشت عشان هتولد و قررت تعيش لأبنها و جوزها و كنت محتاجه شغاله تساعد معايا.
مراد: تمام دوري على واحده و حددي معاها معاد و هاتيها.
الخادمه بفرحه: حاضر شكرا ي بيه.
و طلعت الفون و كلمت واحده و قالتلها تيجي انهارده الساعه 7 بليل عشان لقتلها شغل.
البنت صحت اخواتها و ودتهم المدرسه و كانوا لسه في الاعدادي و هي المسؤوله عنهم بعد موت ابوها و امها.
و اتجهت الى المصنع اللي بتشتغل فيه.
البنت و هي بتكلم صاحبتها ادعيلي اتقبل في الشغل انهارده و اخلص من المصنع و صاحب المصنع و ارتاح منو بقى.
البنت التانيه: ربنا يوفقك و تشتغلي و ترتاحي من البغل اللي هنا ده ي ليلى.
ليلى: امين ي… و لسه هتكمل كلامها لقته بينادي عليها.
صاحب المصنع: ليلى ي ليلى.
ليلى بقرف: نعم أفندم عايز حاجه؟؟
صاحب المصنع و هو عيونه عليها و على جسمها: اه عايزك تنزلي معايا المخزن هنجيب حاجات من تحت.
ليلى بتوتر: ليه ناقصك ايد ولا رجل مش عارف تجيبهم لوحدك.
