عليكي عيون

بقت هى دعوتى المستدامة فى سجودى ♥️
بقت اكتر حاجة بسعالها ♥️
بقيت احاول بكل جهد واكتر من جهدى كمان ♥️
وحكيت لامى عنها وعن جمالها واحترامها وطيبتها وهى اصلا كلها حلوة ♥️

فضلت على الحال ده تسع شهور فيهم حرفيا فحت نفسى مكنتش بنام كتير المهم اشتغل عشانها وعشان الحقها بس وقررت اليوم ده انى خلاص هكلم والدها الحمد لله بقى معايا القدر الكافى ولسة هشتغل اكتر بس اتطمن أنها هتبقى معايا

روحت الشركة فى قمة نشاطى والحيوية مالية قلبى قبل اى حاجة لقيت فجأة اتوزع عليا كروت كده بصيت فيها بصدمة _ دعوة خطوبتها !!!!!

يتبع ….
اسكريبت من جزئين بس الجاى الاخير ♥️

#الكاتبة_فاطمة_محمد_سعيد

بارت 2 والاخير ♥️

مسكت كارت الدعوة اللى فى أيدى بصدمة وبقلب فيه يمين وشمال عشان بس اتاكد ازاى اتخطبت ازاى هتتخطب انا عملت كل ده عشانها يا رب ميحصلش كده لا

لقيتها خارجة قدامى من الاصانصير بطلتها اللى تخطف كالعادة وانا باصص بصدمة مش قادر اتخطاها مبتسمة للكل كالعادة والكل بيهنيها وهى شكلها مستغرب

…..كنت داخلة من الاصانصير كالعادة عشان اروح مكتبى بس الكل عينه عليا ومعتصم باصصلى بصدمة مش عارفة فى اي والكل بيبارك يا ترى على اي وفى لحظة وقع فى ايدى الكارت ده اي ده مين وزع الكروت دى مين ده اصلا !!..

_ مين اللى بيوزع الكروت دى مين قال انى هتخطب
واحدة من الموظفات _ الف مبروك يا انسة حفصة ربنا يكملك على خير يا رب
_ انا مش هتخطب دى كروت مزيفة

الكلمة نزلت على قلبى تلجته من ناره بالمعنى ازاى مش هتتخطب اومال اي ده ومين عمل كده بجد مش هسكت على الإحساس اللى حسيته ده ولو حتى لدقايق

حفصة بقوة _ اللى بعت الكروت دى يجيلى حالا

ودخلت على مكتب والدها وهى متعصبة _ بابا شوفت اللى حصل الاستاذ اللى اترفض امبارح بيوزع كروت خطوبة
_ ازاى ده
_ اتفضل شوف انا بجد مش هسكتله
_ بس يا حفصة انا هربيه

خبط على الباب وسمحولى بالدخول كانت قاعدة على الكرسى باصة لتحت بغضب ومتعصبة

_ ممكن اتكلم مع حضرتك يا فندم
_ اتفضل يا معتصم تعالى
_ انا طالب ايد الآنسة حفصة من حضرتك

حسيت بصدمتها ووشها اللى احمر وقامت بسرعة وسابتنا ومشيت

_ اقعد يا معتصم
_ بص حضرتك انا عارف انى مش اد المقام بس انا فعلا حبيتها انا عملت كتير اوى عشان اقعد مع حضرتك النهاردة وبجد اتمنى بس تدينى فرصة
بابتسامة _ طب ده كلام مكتب بردو مستنيك الساعة 7 فى البيت مع عيلتك يا معتصم
بصيتله بصدمة _ يعنى حضرتك موافق
_ هى المواضيع دى بتتاخد قفش كده مش لازم استخارة وتقابل وحاجات
_ انا اقصد المبدأ مش مرفوض
بابتسامة _ هستناك بالليل يا معتصم

خرجت من عنده وانا فرحة الدنيا كلها فى قلبى أن شاء الله هفوز بيها انا عملت كتير اوى عشانها شكرا يا رب شكرا انك مخذلتنيش

خلصت شغل وروحت وانا هطير من الفرحة وحكيت لامى اللى حصل عشان تحضر نفسها ونروحلها

……..
_ اي رايك يا ست حفصة جالك اللى حكيتى عنه
_ خلاص بقى يا بابا
_ طيب انا كنت جاى اقولك انى رفضته
بصدمة _ ايه
بضحك _ خلاص بهزر هيجى بالليل هو وأهله

وبالفعل جه الميعاد
لبست اشيك بدلة عندى واحلى بوكيه ورد وشوكلاتة ليها وروحت بيتهم لا بيتهم اي فليتهم

احلام اختى _ لا حول الله هما عايشين هنا
_ أخرسى هتفضحينا
_ يا ابنى افضحك اي دى هتبصلك ليه دى
_ الملافظ سعد
_ سعد لو شاف الفيلا دى هيقولك راجع نفسك
_ مالكيش دعوة انتى هما هيبصوا لاخلاقى أن شاء الله
_ والله ولو شيخ جامع
_ يا ماما أخرسى البت دى
_ بس يا بت هما يعنى هيلاقوا زى ابنى فين
_ القرد فى عين امه غزال صحيح
_ والله يا احلام لما نروح استنى عليا
_ سكت يا معتصم يكش نعجب

_ اهلا بيك يا معتصم
_ اهلا بحضرتك
_ اتفضل
_ انا جاى طالب القرب من حضرتك زى ما قولت الصبح وحكيتله عن كل حاجة من اول ما شوفتها واللى عملته عشانها وكل حاجة
_ بص يا ابنى انا عمرى ما بصيت لبنتى على فلوس انا ببصلها على واحد يصونها واحد يحبها مع انى والله مش عايزها تمشى من جمبى بس للاسف دى سنة الحياة وانا ماشى زى ما الرسول عليه الصلاة والسلام وصى إذا چائكم من ترضون دينه وخلقه فزوجوه
_ ربنا عالم والله هحافظ عليها ازاى دى دعوتى اللى اتمنيتها من ربنا
_ انا مش عايز حاجة تانى وفى الاخر الرأى رأى العروسة

نزلت وهى ساكتة تماما وسابتنا لوحدنا كرؤية شرعية وهى باصة فى الارض ومش عارف ده كسوف والا هى مش طايقانى والا اي

_ احم احم ازيك
_ الحمد لله
وقعدنا نتكلم شوية وهى ابتدى كسوفها يروح وتسالنى فى اللى حابة تعرفه وانا كمان برد وبسالها وشوية وباباها جه تانى وقال هيفكروا ولو فى نصيب هيبقى فى ميعاد تانى لقراية الفاتحة