عليكي عيون
اسبوع عدى وانا مستنى لحد ما لقيت تلفون ان الميعاد التانى اتحدد اللى هو قراية الفاتحة
وقرينا الفاتحة وعملنا الخطوبة وامى لبستها الدبلة وطول الخطوبة كنا ماشيين على الضوابط وبجد مستنى كتب الكتاب عشان اقولها كل حاجة يعنى
عدى سنتين كنا ماشيين على الضوابط الشرعية واتعرفنا اكتر وانا فتحت الصيدلية بتاعتى ولسة شغال فى الديزاين
وجه كتب الكتاب …
بارك الله لكما وبارك عليكما وجمع بينكما في خير ♥️
استأذنت عمى وخدتها وخرجنا روحنا الكورنيش مستنى اقولها كل حاجة جوايا من يوم ما شوفتها
كنا واقفين ساكتين بنبص للنيل حبيت اقطع الصمت والكسوف ده _ عليكى عيون لا بتنافق ولا بتخون وفيها من الامل مخزون وفيها من الجمال اسرار
بصيتلى بكسوف وضحكت وانا ضحكت معاها
_ اي خلاك تعمل كده يومها
_ حكم الله يسامحهم صحابى وبصيتلها بس احلى صدفة حصلت فى حياتى
بصت للنيل تانى وهى بتبتسم
_ تعرفى أنك دعوة
باستغراب _ دعوة
_ دعوتى 3 سنين من يوم شوفتك كنت بصلى وادعى تبقى ليا وحتى فى الخطوبة وهكملك الباقى بعدين ده فى حكايات كتير اوى هو انتى حبيتينى
رجعت بصت للنيل بكسوف وضحكت _ هقولك بعدين
خلصنا التحضيرات وجه يوم الفرح وعيشت احلى ايام حياتى معاها ولسة عايشين وهنعيش
فى مرة قاعدين على الكنبة ومتغطيين بلحاف وبنتفرج على كارتون قربت بهدوء وهمست فى ودنها
_ تعرفى انى بحبك
_ تعرف وانا كمان
بصيتلها بصدمة لانها اول مرة تقولى كده مش عارف بس حاجة غريبة هى اه مراتى ودعوتى استجابت بس بردو
أكدت على كلامها وهى بصالى بابتسامة صافية _ بحبك يا معتصم
وفى الخلفية عمرو حسن بيقول …
تخيل حد مكتوبه يقابل واحدة مش توبه تشوف أحزانه وعيوبه وبردو تقوله انا قابلاك يا حسن الحظ يا جماله يا واحد ربنا اداله ..♥️
تمت….♥️
اسكريبت عمارة عن وجع بطن والله بجد 🙂
ده إرضاء للناس اللى كتبت على الاستورى اللى كنت منزلاها اسكريبت رومانسى هاا عدوا الجمايل 😂
استعدوا لاسكريبت من افكارى انا بقى مش المياصة اللى انتوا طلبتوها دى 😂 استنوا الرعب عشان جاى 😈💜
#الكاتبة_فاطمة_محمد_سعيد ♥️
