انا مش مجنونة

_____
انا مش مجنونه هما ال بيقولوا عليا مجنونه بس لا هما المجانين هما ال المفروض يكونوا مكاني هنا مش انا
انا عشت حياتي كلها ما بين اب وام بيكرهوا بعض وطول الوقت في خناقات بينهم لحد ما ابويا طلق امي وانا عندي 11 سنه ولحد اللحظه دي محدش يعرف عن ابويا حاجه ولا هو حتي فكر فيا للحظه امي اتجوزت

بعد ابويا راجل اقل حاجه ممكن تتقال عليه انه زبالة كان كل يوم يجي سكران وكان بيسرق من امي الفلوس علشان يجيب بيها زفت يشربه بايع امي كل دهبها علشان يصرف فلوسه كلها على الزفت دا كان دايما بيكرهني ومش عايزني اعيش معاهم في البيت امي كل ما كانت تجبلي

اي حاجه كان يزعقلها ويقولها انه معهوش فلوس علشان يصرف علينا احنا الاتنين واني مش بنته علشان يكون مسؤل عليا في الوقت ال ابويا نفسه سبني فيه وهرب وامي طبعا كانت بتحبه من زمان من قبل ما تتجوز ابويا علشان كده كان نفسها تخلص من بنتها الوحيدة علشان خاطر راجل زبالة زي دا

كانت ممكن عادي انها ترميني علشان حبها ليه
وعلشان يخلص مني بدا يحطلي حبوب في الاكل بتخليني اعمل تصرفات غريبة واقول كلام غريب فضلنا على الحال دا اكتر من 6 شهور لحد ما شوفته بنفسي وهو بيحطلي الحبوب دي في العصير ال بشربه كل يوم

ساعتها مستغربتش لان ال زيه يعمل ايه حاجه
سمعته بيقول ل امي في مرة
“بقولك ايه انا معنديش استعداد اني الاقي بنتك داخله عليا بليل وبتحاول تقتلني بنتك تصرفاتها بقيت غريبه اوي الفترة دي

-: يعني اعمل ايه انا امو، تهالك يعني
“انا مقولتش تموتيها انا عندي حل تاني احسن
-:حل ايه دا
“تدخليها مصحه
-:مصحه؟! انت عايزني اودي بنتي مستشفى المجانين
“مش احسن ما تمو، ت حد فينا يا حبيبتي
وبعدين احنا مش هنسيبها احنا كل شويه هنروحلها ونطمن عليها لحد ما تتعالج وترجعلنا وهي كويسه
صدقيني يا حبيبتي اول ما هتخف هترجعلنا احسن من الاول

امي فضلت بصاله وساكته وبعدين-: يعني انا لو وديت هاجر المصحه هتخف
“طبعا يا حبيبتي هتخف وهتبقي احسن من الاول كمان
____
طبعا امي وافقت وودوني المصحه
بصراحه هما كانوا بيجولي في الاول كل يوم يطمنوا عليا وبعدها بقوا يجولي مرة كل كام شهر ودلوقتي محدش بقي بيجيلي خالص

بس انا مرتاحه هنا ومش عايزة اخرج
انا فعلا مليش حد اخرج علشانه ولا باقيه على حاجه
هخرج ل مين ل ابويا ال سابني وانا عيله صغيره عندها 11 سنه مليش غيره في الدنيا ولا ل امي ال بعتني ورميتني في مصحه نفسيه علشان خاطر جوزها مبيحبنيش ومش عايزني

انا مليش غير ربنا بس ربنا هو ال ليا في الدنيا دي
بقيت طول الوقت ساكته ومبتكلمش مع حد ولا حابة اصلا اني اتكلم مع حد بقيت بخاف من الناس واني اتعامل معاهم
_____
عدا تلات شهور وانا بحاول اتكلم معاها واخليها تكلمني او ترد عليا بس مفيش فايده كانت طول الوقت باصه للسقف وساكته مبتتكلمش ساعات كنت بسرح فيها وفي جمالها وفي شعرها الحرير الطويل اوي وعيونها الزرقا ال زي البحر كان نفسي اعرف اي ال خلاها توصل للحالة دي
_بس يا ستي ومن ساعتها وانا هو صحاب و

اتكلمت وهي باصه للسقف=متتعبش نفسك يا دكتور
فرحت انها اخيرا اتكلمت
_ايه دا انتي بتتكلمي زينا كدة
اومال بقالك تلات شهور ساكتة ليه
=بلاش تتضيع وقتك معايا يا دكتور لان كل محاولاتك هتفشل زي ال قبلك
_بس انا مش متعود اني افشل في أي حاجة حاططها في دماغي