انا مش مجنونة
=انا مش مجنونه مش مجنونه هما المجانين
_صباح الخير يا هاجر
سكتت وبصاتلي بخوف وبعدت عني
_انتي مش عايزه تعرفي انا مين
هزيت رأسها بخوف ب لا وبدات تعيط
_اهدي طيب اهدي اهدي
سحبت كرسي وقعدت علي الكرسي ال قدام سريرها
_احب اعرفك بنفسي انا دكتور ادم الدكتور بتاعك الجديد
انتي ممكن تعتبريني صاحبك مش الدكتور بتاعك تقدري تحكيلي كل ال مزعلك واوعدك انه هيفضل سر بينا
اية رايك؟!
فضلت باصه عليا شويه وبعدين اديتني ضهرها ونامت
اتنهدت وفضلت باصص عليها
يمكن اكون من اشطر الدكاتره ال نفسين في مصر ودا بشهادة معظم الدكاترة كل ال بيجولي بقدر اعاجهم ودا كان السبب ال خلي دكتور رأفت دكتوري في الجامعة انه يطلب مني اني اجي واعالج مريضه عنده في المستشفى بقالها خمس سنين في المستشفى وكل الدكاتره فشلوا انهم
يعالجوها مترردتش لحظه في اني اوافق لان دكتور رأفت ليه فضل كبير عليا وعلى ال انا فيه دلوقتي دا وكان نفسي اردله جميله واكيد مفيش احسن من اني اعالج مريضه عنده من كلام كل الدكاترة ال حاولوا يعالجوا هاجر عرفت انها مبتتكلمش مع رجاله وان اي رجال بيقرب منها بتخاف منه وتبعد عرفت ساعتها ان شغلي هيكون صعب اوي معاها
