رسالة بتقول انا متجوز
انا ألين … بنت اتربت وسط عيلة ما تعرفش يعني ايه حنية … عشت حياتي معاهم عمري ما سمعت كلمة حلوة منهم .. عندي ام عمرها ما حضنتني .. و اب عمره ما طبطب عليا او سألني لو كويسة … عندي اخوات ما بيعرفوش يعني ايه اخت … عمري ما سمعت كلمة تبسطني .. الاهتمام ده حاجة عمرها ما مرت عليا بالعيلة دي … عندهم كل حاجة مسخرة … بيجرحوني و بيتريقو عليا تحت مسمى الهزار … و طبعا مش قاعدة ببرر لنفسي لاني مهما قولت هفضل غلطانة ..
مهاب جيه و غرقني بكلام حب و حنية و اهتمام .. كان بيحسسني اني ملكة زماني … كان دايما بيطمني .. كنت محتاجة لاهتمامه .. كنت محتاجة حد ما يستحملش يجرحني .. و لاقيت الي عايزاه معاه كنت محتاجة اسمع كلام زي ده محتاجة احس شوية بنفسي … فضلت بدوامة .. التفكير قت.لني
مرت تلات ايام … تعبت اوي و نفسيتي كانت محطمة … بس سندت نفسي و قمت لبست و خرجت من البيت
رحت لعنوان شقته … هو اداني ياه من قبل بس انا عمري ما روحت .. و انا عارفة انه حاليا بالشغل اول ما وصلت وقفت شوية قدام الباب و قويت قلبي و خبطت
ما فتحش
روحت للشقة الي قصادهم .. و خبطت برضو
خرجت ست باين عليها في التلاتينات
الست : إتفضلي؟ مين حضرتك ؟
الين : السلام عليكم .. لو سمحتي انا كنت عايزة اسال عن الست الي في الشقة الي قصادك دي
الست بهدوء : اه نيرة عند اهلها دلوقتي
الين : طب لو سمحتي معاكي نمرتها ؟ اصل انا صاحبيتها من ايام المدرسة و جاية ازورها وحشتني اوي
الست بابتسامة: طبعا يحببتي .. اتفضلي هكتبهالك حالا
و دخلت و انا دخلت بس فضلت واقفة عند الباب
الست : انتي مش عارفة وليد ابني قد ايه تاثر عشان ما بقاش يشوف عمر ابنها … لو كلمتيها اقنعيها ترجع بقا
الين بصدمة : هي عندها ولد ؟
الست : ااه
ادتني النمرة اخدتها من ايدها بلهفة
الست : اتفضلي اشربي حاجة
الين : ميرسي جدا مستعجلة اوي و الله .. عن اذنك
