جديد
اسكريبت ❤️
_ بارَك اللّٰه لكُما وبارَك عليكما وجَمَع بينكُما في خير.
جري عليا والدموع ماليه عينيه أنا الوحيده اللي شوفتها وقالي : سامحيني بس علشان الناس مياخدوش بالهم من حاجه لو تسمحيلي أنا هحضنِك.
مكنتش متخيله إنه يقدر يعمل كده وخصوصًا إنه عارف إن قلبي مش ليه، للأسف مقدِرتش أحبه، أنا واثقه إنه بيحبني بس القلوب بتاعت ربنا ياريتنا نقدر نتحكم فيها مكنش حد إتأذي في حياته.
: دي أوضتِك واللي قدامها أوضتي لو إحتاجتي أي حاجه متتردديش، ووعدي ليكي زي مهو متقلقيش.
:- ش… شكرًا يا آسر.
: إتفضلي إرتاحي.
_ من ساعت موت بابا وماما وأنا في مشاكل مبتخلصش وكنت محتاجه حد غني ينقذني من أعمامي ومن غرور الثروه اللي هما عايشين فيه.
: خديجه انا جهزت الأكل.
:- ثواني وجايه.
: أنا مش بعرف أطبخ فدي حاجه علي قدي كده.
:- خليني أساعدَك في السُفره، امم كنت عاوزه أسألك هو أنا هسافر أنا وأسامه إمتي؟
– وقع الإطباق من إيده إتكسرت فنزل يلم المكسور.
:- أنا آسفه بجد آسفه.
: لا متتأسفيش حصل خير، بعد تلت شهور من دلوقت بإذن الله أنا مظبط كل حاجه.
:- أنا مش عارفه أقولَك إيه علي مساعدتك ليا بجد.
– ضَحَك بحزن : ده واجبي، عمي طارق الله يرحمه كان زي والدي.
:- إيدك بتنزِف! ،خليني أضمدهالَك، خد بالَك بعد كده.
: حاضر.
“قبل عام”
:- أنا بحبك يا أسامه.
: وأهلِك يا خديجه؟، إنتو ناس أغنيا ومش هيوافقو بيا.
:- بس بابا وماما موصيين أعمامي عليا قبل ميتوفوا وأكيد أعمامي عمرهم ميجبروني علي حاجه!
: متأكده يا خديجه؟
:- أكيد يا أسامه، أكيد.
:- إنتو بتقولو إيه أنا بحب أسامه وهو بيحبني وهنتجوز.
: وأنا بقولِك إنه طَمعان في فلوسك!
:- مش كل حاجه الفلوس، في حاجات أقوي منها زي الحب.
_ لقيت قلم نازل علي وشي : هتتجوزي آسر يعني هتتجوزيه.
:- علشان هو غني!
