عروس بلاسترة لشيماء طارق

ياسمين (بصوت واطي): انا من الصعيد من قنا وجايه مع جوزي؟!
مالك باستفسار:
وجوزك فين دلوقتي وازاي اسيبك كده في الشارع لوحدك؟
ياسمين (بنظرة مكسورة): بعد ما جينا من البلد رمى عليا يمين الطىلاق في نص الشارع وسابني وراح ومن وقتها ما اعرفش هو راح وين يوم فرح هو كان يوم طىلاقي!
مالك (اتصذم وسكت في لحظه وبعد كده قالها ):
“طىلقك؟ إزاي إيه التخلف ده من غير سبب؟
ياسمين (دموعها نازلة): كيف ما قلت لحضرتك بعد ما خرجنا من البلد طوالي قالي أنتي طىالق بالتلاته وقالي ان هو ما كانش رايد يتجوزني علشان كده هملني وراح؟!
مالك (سكت لحظة وهو بيبص في عينيها):
“معاكي حد؟من قرايبك او اهلك او معاكي عنوان اي حد تعرفيه هنا في القاهرة؟
ياسمين ودموعها بدات تنزل قالتله:
مليش حد اهنا… وهو السبب إني أجي القاهرة بس في واحده صاحبتي عايشه اهنا في القاهرة هتيجي بعد فترة لأني شغاله في شرم الشيخ,؟!
مالك (قال للعسكري): هاتلها ميه واكل وادخلها المكتب بتاعي وما تخليش حد يدخل عليها لحد ما ترتاح شويه وبعد كده يبقى نشوف الموضوع ده ؟!
العسكري:أوامر يا فندم!
ياسمين بحزن: مفيش داعي حضرتك انا بس رايد اتحدت في التليفون مع صاحبتي هي في شرم الشيخ اشوف هتيجي متى وإن شاء الله ربنا يقدم اللي فيه الخير !
مالك بهدوء :زي ما قلتلك روحي مع العسكري وبعد كده يبقى نتكلم!
(مشيت مع العسكري ومالك كان بيبص عليها )
مالك وبيقول لنفسه: مين الغبي اللي قدر يسيب ملاك زي دي؟
دي عامله زي حريات الجنه مين الغبي اللي يقدر يطىلق باين عليها انسانه محترمه ومهذبه جدا وعندها اخلاق ده حتى ما رفعتش عينيها في انا اول مره اشوف بنات من النوع ده فيها حاجه غريبه شدتني ليها بس انا حاسس ان انا مش عايز اسيبها هكون مسؤول عنها لحد ما تلاقي مكان تقعد فيه وربنا يقدرني على فعل الخير!
بعد ثلاث ساعات مالك بيخبط على باب المكتب وبيدخل على ياسمين وياسمين اول ما تشوفه بتقوم من مكانها وهي محروجه جداً.
مالك بابتسامه هاديه وهدوء: إيه اخبارك دلوقتي حاسه ان انتي بقيتي احسن؟
ياسمين (بصوتها مكىسور): ليه بتساعدني انت حتى ما تعرفنيش علشان تعمل وياي اكده؟
مالك (بثبات):أنا ظابط وده شغلي انا بعمل واجبي مش اكتر ؟!
ياسمين باستغراب: وجبك كيف حضرة الظابط يعني أنا أول مرة اشوف ظابط شرطه بيعامل الناس بطريقتك اكده يا ريت الشرطه كلها تكون كيف حضرتك؟!
مالك وهو بيضحك قالها: أنتم فاهمين ضباط الشرطه غلط هم برده بشر ولو شافوا حد محتاج بيساعدوة يلا بقى علشان نروح البيت لاننا تاخرنا جدآ والورديه بتاعتي خلصت بقى لها شويه!
ياسمين قامت بصوت عالي وقالتله :حضرتك فاكرني إيه وكيف تفكر فيا وكيف تقولي اجي وياك بيتك أنت فهمتني غلط يا حضرة الظابط انا غلطانه اني فضلت اهنا؟!
تابع…..؟!