داخل مكتب بشار كان حيدر يقف بجمود أمام فاروق وبشار الذي رمقه بسخريه وهو يرى أبنه يترنح أمامه بعدم أتزان ليقول ساخرآ -هو انت شارب ولا أيه تأفأف حيدر بضيق ليعدل جسده ويقف بأستقامه وهو يغمغم بصرامه -لا ياباشا أنا فايق اوي.. حول بصره لفاروق الذي قال بحده -هتروح تكمل شغلك أظن اني سبتك كتير غايب انا مش عايز الأمور تفلت من أيدي زفر حيدر بضيق وهو ينظر لهم.. لهذا جعلوة يعود ليكمل مابدء لا هو ملل جدا من هذه المسرحيه التي خنقته بشده يجب عليه إنهاءها وهو يعرف كيف.. نظر لهم بضيق وهو يقول من بين أسنانه ليفجر كل شئ بداخله ويفيض بالذي يؤلم صدره وبرغم هذا يحاول إخراج صوته هادئا -أنا خلصت شغلي ياريت تسيبوني أنهى المهزله دي انا تعبت من تمثيل دور العاشق الولهان لواحده مدلعه وغبيه.. تعبت وأنا بمثل دور الحنين اللي بيخاف عليها من الهوا الطاير.. خلاص اللعبه دي هتخلص النهارده وقلب إسماعيل السيوفي هيتحرق علي بنته وهتشوفوا بعنيكم حرقه قلبه وذله والانكسار باين في عنيه وكده يبقي دوري خلص وهسيبوا ليكم تخلصوا منه انتوا اللي عايزينه ومش هسأل انتوا هتعملوا أيه فيه أنا كده هكون خلصت انتقامي ويبدء أنتقامكم انتوا، وأول مايرجع من سفريته خلصوا عليه أنتوا هنا.. أبتسم بشار بفخر لترتفع رأسه تدريجيا أمام والده وهو يتطلع به يريد إخباره أن تربيته قد فلحت أن ينظر إلى حيدر كيف أصبح، بادله فاروق نظراته ليلتفت بعدها إلي حيدر وهو يقول بتساؤل -وبنته.؟ نظر له حيدر بأرتياب لتنكمش ملامحه ضيقا وهو يعرف ما سيقوله جده يعلم جيدا أن هذا ماسيحدث ولكن شئ صغير جدا بداخله مرعوب من سماعها لايعرف لما ولكن هذا مايشعر به.. فاروق بقسوة:هتخلص عليها آنا مش فاضي لما تعرف اللي حصل تكبر في دماغها وتيجي تنتقم هنا انا مش فاضي لشغل العيال ده.. أنا مش عايز غلطه واحده كان بشار يؤكد علي حديث والده لينظر لحيدر بملامحه الخبيثه وهو يقول بتأكيد -أكيد ياباشا ده اللي هيحصل عيله السيوفي أخدت واحد مننا وإحنا مش هيكفينا أرواحهم كلهم ولا إيه ياحيدر كان كلاهما ينظروا له ينتظروا إجابته ينتظروا أن يقول لهم علم وينفذ منتظرين إشاره منه حتي ترتاح قلوبهم.. كان حيدر يقابل نظراتهم المنتظره ببرود طاغي عليه مابداخله بركان ملتهب انفجر بداخله وألهب أوصاله ومابخارجه سقع صلب لايريد الذوبان.. ثبت نظره على نقطه بعيده علي الحائط يراها بها.. يراها وهي تبكي وتتألم عند معرفتها بخطته.. يراها وهي تقسم ألا تسامحه.. يرى إحمرار عينها ونظره الكره والانكسار بهم.. لن يستطيع إكمال حياته بذنبها ولكن كما قال سابقاً هم من بدئوا وهو من سينهي حيدر ببرود :مفهو… لم يكمل جملته وهو يرى نظرات التوتر علي وجه بشار الذي انتفض واقفآ عند سماعه صوت أرتطام شئ بالخارج.. نظر لحيدر وفاروق بريبه ليركض فزعا يرى من بالخارج كانت جميله تقف تستمع لحديثهم بصدمه ودموعها تغرق وجهها كل هذا كذب كان كله خداع كان يسعي للانتقام منهم ولكن لما.. لما ينتقم منها وهو لا يعرفها لم يكن بينهم شئ.. كان فقط ينتقم ولكن كيف.. كيف كان يخدعها وعشقه التي كانت تراه في عينه كله خداع.. ارتفاع نبض قلبه عند اقترابها منه وكلامه المعسول الذي أغرقها به.. وحبه وعشقه كله كان كله مجرد خداع وهي لم تشك لحظه عن صدق مشاعره أخذت ترجع للوراء بخوف تهز رأسها بصدمه وهي تتمتم بعد تصديق -لا ده كابوس مش حقيقه انا أكيد بحلم وهفوق ده مجرد كابوس أصتدمت بمقعد خلفها لتصدم به وتقع.. خرج بشار بشراسه وهو يراها أمامه.. أخذت تبكي بخوف وهي ترجع بجسدها للوراء تحاول النهوض للفرار منه.. قبض علي معصمها بقوة ليجرها خلفه بعنف.. أدوي صراخها المكان وهي تتلوي منه تحاول تحرير يدها دلف بشار وهو يجر جميله خلفه.. وقف فاروق ينظر لهم بصدمه وتحولت ملامح حيدر للذهول عندما رأها.. حول فاروق بصره بين حيدر الذي ألجمته رأيتها وبشار الذي يقبض علي كفها بقسوة فاروق بتوتر:هنعمل ايه أبتسم بشار بشراسه وهو ينظر لها بقسوة -هيا جاتلنا برجليها وكده هيبقي أحسن.. أحنا هنخلص عليها هنا كان حيدر يتنفس بقوة وهو يراها بين أيدي والده ونظراته القاتله تلفحها لينقبض قلبه بخوف عندما أنهى حديثه.. توجه حيدر لهم ليسحبها من ايديها ويرجعها خلف ظهره وهو يردد بقوة -لا مش هتخلص عليها نظر له بشار وفاروق بذهول وهي رغم كل هذا شعور بالأمان أجتاحها وهي خلف ظهره ليرفع بشار حاجبه بغرابه وملامحه تزداد قسوة حيدر بصرامه:مش هتخلص عليها، انا هخلص عليها عشان قلبي يرتاح كفايه انتوا عليكم إسماعيل وهيا سبوهالي انا كانت كلماته تمزق قلبها وهي تبكي بقوة خلف ظهره وجسدها بأكمله ينتفض، تحركت نحوة لتقف في وجهه لتضربه بهستيريه علي صدره وهي تردد ببكاء -انت أيه، ازاي تعمل كده.. ليه تعمل معايا كده، انت حيوان ياحيدر حيوان عملتلك انا أيه.. كان ذنبي أيه.. أهاااااا سقطت على الاريكه خلفها ليدوي صوت صفعته أرجاء المكان رفعت كفها تتحسس وجنتها وهي تبكي بحراره أقترب منها بشراسه ليلف يده على شعرها وهو يرفعها ويقربها من وجهه الذي إسود من الغضب -عملت معاكي كده لييه.! ده مش سؤال يتسأل. السؤال يتسأل كده. انتوا اللي عملتوا كده ليه جميله بألم وبكاء:عملنا أيه.. أيييه حيدر بقسوة وعينه تزداد إحمرار من الغضب -بتسألي هاااا بتسألي انا اللي مفروض أسأل أختي ذنبها أيه.،وإيه اللي دخلها في حسابات الرجاله أخوكي جني عليها وده دوري أنا عمري ماكرهت ولا هكره غيركم يا نسل السيوفي.. نسلكم نسل شر من زمان بس عمري ماتوقعت أنها توصل لكده أخوكي يغدر بأختي.. يغدر بست وعشان كده كان لازم أخد بتارها أخليها ترتاح.. وزي ماأخوكي الجبان غدر بواحده فأنا برده كان لازم أغدر بيكي.. حلفت اني اخليكي تكرهي نفسك ياجميله، تتمني الموت شوفي تتمنيه ولا هنولهولك.. كنتي طعم سهل اوي صيده واحده ساذجه وغبيه كان سهل اوي ينضحك عليها.. تعرفي انتي أسهل واحده عرفتها في حياتي قربها حيدر له أكثر لتختلط أنفاسهم وتغزو رائحته أوصالها لتتعمق في أمعائها وهو يكمل بشراسه -بس تعرفي أنا أحسن منكم أنا خلاص مش عايز حاجه تاني كده.. كفايه أني شايفك كده قدامي شايفك مكسورة ومذلوله أنا هرحمك ومش هخليكي تشوفي أخر خطوة أنا هقتلك بأيدي وصدقيني ده راحه لينا كلنا وكفايه علي أبوكي أنه يشوفك قدامه بدمك مش هتتخيلي الراحه والسعاده اللي هبقي فيها لم تعد تحتمل سماع المزيد منه أنخدعت فيه وكان أكبر كذبه في حياتها، كيف أنجرفت وراء قلبها مغمضه العين هكذا لتسلمه كل شئ قلبها وحبها ونفسها..! قربها منه لهذه الدرجه ورائحته المتوطنه في أنفها أشعرتها بالغثيان لم تعد تحتمل أكثر من هذا.. تقف كالجثه وهو يهزها بعنف مفرغا فيها شحنه غضبه.. تقف هامده وكل شئ يدورمن حولها لتخرج كل مافي جوفها علي سترته لتغمض عينها بعد ذلك تتمني الموت ان لايكون أي من هذا قد حصل ان يغشي عليها لتتخلص من لمسته أزاحها لترتمي علي الاريكه خلفها بعنف.. نزع سترته بضيق ليرميها بجانبه ليحول بصره يتفحصها بريبه من بدايه وزنها الذي زاد بضعه كيلوجرامات بالرغم من شحوبها وهزلانها ويدها التي تضغط بها على بطنها بضعف.. حملق فيها بشك ليشدها من ذراعها بقسوة وهو يردف بصدمه -إنتي حامل أغمضت عيناها بألم وجسدها ينتفض بقوة رافضه هذه الفكره التي أعادها إلي أذهانها من جديد.. شدها من شعرها بعنف وهو يصيح -إنطقي شكلك متغير فيه أيه إنتي حامل..! رفعت يدها تضعها علي يده التي تشد شعرها بعنف تخفف من شده لتصيح في وجهه ببكاء -أيوة حامل.. حامل ياحيدر في أبنك من شهرين أبعد عني أبعد مش قادره أستحمل أكتر من كده أبعد الصدمه ألجمته كان يتطلع بها بصدمه وعدم تصديق ليصيح بشار في حيدر معنفا له -حامل أيه ياحيدر أحنا متفقناش علي كده كان عقله مشتت بينها وبين بكاءها هذا الذي يضعفه ونفورها منه الذي خنقه وبين صدمه بشار وفاروق.. أكتفي حيدر بالصمت وسط كل هذه الفوضى بعد ألقاء جميله لقنبلتها التي فجرت المكان أتجه بشار لحيدر وهو يحاول إمساك جميله وسحبها منه وهو يهتف بغضب يملؤه الجنون -سيبها ياحيدر سيبها وأنا هقتلها بإيدي مش هيبقي ليك دعوة سيبها.. "بشاااااااار" كان هذا صوت فاروق صائحآ بغضب ليتجمد بشار في مكانه ينظر له بترقب فاروق بجفاء :خدها ياحيدر علي القصر وهيبقي عليها عنايه مشدده بشار بغضب:ياخد مين..وإيه اللي بتقوله ده ..مين ده اللي يروح القصر ده المفروض ميطلعش عليها صبح دي نظر له فاروق بصرامه وهو يهتف بإلزام -بشااار؛ حيدر وجميله يتجوزوا.. انا عايز حفيدي يتولد بشكل شرعي وعايزة سليم وصحته كويسه ولما تبقي تولدلنا الولد هتبقي ليك واللي يقدرك عليه ربنا أبقي أعمله فيها بشار بضيق من كلام فاروق:علي جثتي لو دخلت القصر ولد مين اللي تولدوا وإحنا ليه يبقالنا حفيد من نسلهم أنا أجوز أبني أحسن واحده من أحسن عيله مش العيله اللي قتلت بنتي فاروق بصرامه:وأنا اللي عندي قولتوا يابشار وجميله هتبقي في حمايتي ولو حصلها حاجه يابشار متلمش إلا نفسك.. نفسك وبس ثم نظر إلي حيدر الذي يقف ينظر لهم بسخريه وهم يقرروا مستقبله وهو يإمره بإلزام -جميله هتبقي ملكك وليك وحمايتها واجبك عشان أبنك وحفيدي لو حصل حاجه ليها ولابنها ياحيدر انت معرفتش غضبي لسه؛ بس ده حاجه وانتقامك حاجه تانيه الخطوة الاخيره لسه سايره كان كلاهما يقفوا صامتين هي ساكنه في مكانها لا تستوعب أي شئ حولها من بعد سماعها سبب إنتقام حيدر منها لا تستوعب أي شئ لاتفهم، لا تسمع، لاترى.. فقط تشعر بأنهمار الدموع علي وجهها وغضب حيدر عليها.. وهو يقف لا يصدق ما يأمره به جده يتزوجها..! يتزوج من؛ من خطط للانتقام منها من حاول الغدر بها؛ كيف ستكون زوجته وكيف ستكون حياتها معه.. كان ينتقم منها وآلان ينتقم منه هو… كانت تجلس في غرفه لاتعرف متى قد وصلت لها لاتعلم ماذا يحدث أغمضت أعينها وفتحتها لتجد نفسها في كل هذا الخداع.. رأسها سينفجر من التفكير كيف او متي وقعت في كل هذا حقآ لاتعرف انتفضت للوراء بفزع عندما اقتحم حيدر عليها غرفتها في هدوء وعينه تلمع بهذه اللمعه التي تفاجأت انها لمعة عينه الأصليه لمعه الكره، الانتقام لمعه يشوبها القسوة هتف بها بصوته القوي -المأذون تحت، أحسلك لما يقولك موافقه تقولي أه من سكات.. لو نزلتي تحت وعملتي أي حاجه بجد ياجميله مش هيعجبك رده فعلي تكورت علي نفسها علي السرير وهي تتمتم ببكاء -أنا بكرهك ياحيدر بكرهك ومش هتجوزك لو أخر واحد مش هتجوزك أغمض عينه ببرود وهو يقول -كويس يبقي هتشوفي اللي مش هيعجبك وشكله كده أبوكي هيوحشك رفعت رأسها ببكاء لتقف بضعف وهي تتجه نحوة أمسكت راحته وهي تضغط عليها برجاء -قولي ياحيدر إنك بتحبني؛ قولي.. قولي أنهم هما اللي خلوك تعمل كل ده غصب عنك.. قولي انك مش كده؛ قولي إنك حيدر اللي عرفته وحبيته مش حيدر ده.. قولي اي حاجه ياحيدر قولي وأنا هنسي كل حاجه والله هنسي أنا ميهمنيش غيرك.. هنسي ايوة هنسي وكأن مفيش حاجه حصلت قولي أزاح يدها ببرود ليمسكها من فكها وهو يقربها منه بعنف -فوقي يا جميله وبطلي هلوسة فوقي وشوفي اللي بيحصل حوليكي؛ تفكيرك وقف من الصبح ومرجعش اللي شايفاه قدامك ده هو حيدر.. حيدر بشخصيته اللي خباها عنك عارفه ليه عشان أخدعك.. انا ولاحبيتك ولا هحبك ياجميله.. أي حاجه هقولها هتتنفذ من غير نقاش خايفه علي أبوكي..؟ كانت تنظر له ببكاء وخوف ليصيح بها بنفاذ صبر -هاااااا خايفه علي أبوكي هزت رأسها تباعا ليكمل تهديده :يبقي توافقي على الزفت الجواز ده.. فيه جواز أبوكي هيعيش.. مفيش.. قاطعته وهي تبتعد عنه باكيه بألم -لا بابي لا لا خلاص.. خلاص ياحيدر فيه جواز بس بابي لا شدها من يدها وهو يجرها خلفه بقوة -يبقي يلا خلينا نخلص كان بشار يجلس علي نزق وهو يرى المأذون أمامه ينهي الإجراءات يريد أيقاف هذه الزيجه لا لن يفعل كل هذا ويخطط ويتعب لاهلاكم وفي الاخير إبنه يتزوجها يتطلع علي فاروق بنظرات حارقه هو الآمر الناهي.. حفيد ماذا الذي يأتي من هذه كل هذا التخطيط والتعب وفي الأخير يأتي حمل لعين مثل هذا ويقلب الموازين حسنا دعهم يتزوجوا الآن ولكن علي جثته إذا رأي هذا الجنين النور تمت إجراءات الزواج لتنصب جميله زوجه شرعيه لحيدر الذي يجلس وملايين من الحمم البركانيه تحرقه وتحرق الجزء الصغير والبعيد جدا الذي في داخله الذي كان سعيد جميع معالم الوجوم والحزن علي وجهه لم يختلف كثيرا عن التي تجلس تحاول كبح دموعها عن جميع الوجوه الموجهه نحوها غادر المأذون لتشعر هي بالخوف منهم اتجهت رقيه ناحيتها لتمسكها من كفها وهي توقفها لتنظر لجميع الموجودون وهي تقول بنبره تحزيريه -خلاص عملتوا اللي في دماغكوا يبقي محدش هيبقي ليه دعوة بيها هنا.. ثم نظرت لها رادفه بحنيه -تعالي ياجميله أوريكي اوضتك اللي هتعيشي فيها نظر حيدر لهم ببرود وهو يغمغم بقهر -قصدك هتبقي سجنها.. قبرها أي حاجه غير اوضه دي يارقيه هانم اتجه راكضا ليقف أسفل الدرج وهو ينظر للأعلى ليصيح بقوة -جميله.. متنسيش بقي تبقي تفتكري ابوكي في الإستغفار وتترحمي عليه كتير كان راجل طيب وأكيد هيوحشنا كلنا…. ¿¿¿ مر أسبوعين وجميله حبيسه غرفتها.. تحبس نفسها فيها وتبكي.. تبكي علي كل شئ؛ علي أبيها التي قتلته بسذاجتها؛ علي حقائق تخترق عقلها عن أخيها لاتريد تصديقها؛ علي حب واهي أوصلها الهلاك.. أسبوعان لاتأكل لاتخرج من الغرفه لاتنام فقط تبكي وتهلوث بموتاها كانت جميله جالسه علي الارضيه تسند ظهرها علي السـ,ـرير وهي تهتز بقوة وتنظر أمامها بشرود غيبي تردد -قتله.. حيدر قتـ,ـله؛ قتـ,ـل بابي.. اتقتل بسببي.. بسبب غبائي انا؛ بابي اتقـ,ـتل بسببي.. انا اللي خليت حيدر ـ,ـ.. ضحك عليا وخلانا نتجوز وكان قاتله.. حيدر قتـ,ـل ابويا قتـ,ـله… -جميله ياجميلتي قومي بقي خلاص انامش زعلان منك وجيت أصالحك رفعت رأسها بلهفه وصوت أخيها يخترق مسامعها أدمعت عيناها بمزيد من الدموع وهي ترى مشهد عابر من ذكراها مع عامر.. تقف هي متزمره لان توؤمها ضايقها فيأتي هو يصالحها فترتمي في أحضانه ناسيه كل شئ.. لم يكن يومآ سيئا.. لم تراه في يوم يأذي شخص.. كيف له أن يخطط ويقتل ويغدر ويأذي كيف وقفت بصعوبه تتجه إليه هو مجرد خيال ولكنها أستشعرته حولها نظرت في عينه ببكاء وهي تردد -ازاي تقتل ياعمار ازاي تعمل كل ده انا لايمكن أصدق أي حاجه عنك انت انضف حد في الدنيا دي المجرمين اللي بره دول بيقولوا عليك قاتل.. رفعت يدها لتقبض علي معصمه بترجي -قولي إي حاجه أنا ضعيفه اوى من غيركم إنت اتقتلت وبابي أتقتل.. أتقتل بسببي ياعمار؛ انا لايمكن أسامح نفسي ولا أسامحه.. اتحول لوحش ياعمار او هو كان وحش وانا كنت عاميه عن كل حاجه.. دلوقتي صدقتك لما كنت تزعل مني لما كنت بخبي صورة في دولابي؛ كلامك بيرن في عقلى لما.. لما قلتلي اوعي قلبك يتعلق بيه.. أمسكته من ياقته وهي تصرخ بهستيريه -كان لازم تقلي متعلقش بيه ليه.. كان لازم متسيبنيش غرقانه لوحدي كان لازم تعرفني انهم قتله ان قلوبهم حجر أنهم خاينين والغدر بيسري في عروقهم.. قلتلي متحبهوش وسبتني وحدي.. انا قتلت ابونا ياعمار قتلته لما أمنت لحيدر وقتلته لما مسمعتش كلامك وقتلته لما خونت ثقتك وثقته وسلمت نفسي ليه.. قتلته وهو قتل كل حاجه فيا وكمان بقي جوايا بقي جوايا ياعمار ابنه جوايا.. رفعت يداها تكمم به وجهها وهي تمسح حبات العرق التي تجمعت به وهي تكمل -بس أنا مش هقدر.. مش هقدر أعيش علي ذمته ومش هقدر أعيش وحته منه جوايا.. مفيش أم تكره إبنها بس أنا بكرهوا بكرهوا اوي ياعمار بكرهوا ومش هخليه يشوف النور ويتولد وابوة واحد زي حيدر رجعت له تمسكه من ذراعيه وهي تبكي بقهر -وعارف ايه الازبل من ده كله إني بحبه وقلبي لسه بينبض بحبه انا بكره نفسي اوي عشان مش قادره أكرهه انا مش قادره أتحمل نفسي ولا قادره أتحمل اللي في بطني.. مش إنتوا الاتنين اتقتلتوا.. وانا هقتل نفسي أنا مش هسيب نفسي أعيش مع قاتل أبويا وأسمي يرتبط بأسمه ومين يعرف ممكن يكون هو كمان اللي قتلك.. لا؛ لا ياعمار أنا مش هبقي ضعيفه بعد كده وهجيكم قريب.. قريب اوي لأنك وحشتني.. وحشتني انت وبابي.. ارتمت في حضنه وهي تتوسل له ببكاء -والنبي ياعمار والنبي تقول لبابي يسامحني انا طول عمري غبيه ضعيفه ومستسلمه بس عمري ماكنت فاكره اني هوصل وأكون السبب في موت حد بحبه.. قولي يسامحني ياعمار قوله رفع وجهها له ليمسح بأنامله دموعها وهو يهمس بدفئ آمن -خلي بالك من نفسك إنتي طول عمرك في قلوبنا تحرك للوراء عده خطوات ليتبخر من أمامها هتفت به وهي تدور حول نفسها في منتصف الغرفه -عماااار متسيبنيش.. متسيبنيش ياعمار.. متسيبنيش أنا خايفه أرتمت علي ركبتيها تبكي بقوة وهي تغمغم بصعوبه -متسيبنيش أنا خايفه ياعمار أنا ضعيفه ياعمار أنا جبانه ياعمار أنا مستحقش أني أعيش ياعمار… كانوا يجتمعون جميعهم علي طاوله الطعام كلآ منهم منفصل بذاته.. في ظاهرهم أسره مترابطه لايضيعون موعد يجب أن يجتمعوا فيه ولكن في الحقيقه أنهم حتى لاينظروا في وجه بعضهم البعض كلآ منهم في عالمه الخاص ينهون وجبتهم ليتفرقوا ولا يروا بعضهم إلا في موعد الوجبه القادمه ترك فاروق ملعقته من يده لينظر لحيدر الذي يحرك الملعقه في صحنه بعشوائيه ليهتف بخشونه -حيدر..! ترك الملعقه بأنتباه وهو يرد عليه -أفندم فاروق باشا فاروق بتساؤل:مراتك مش بتنزل تاكل هنا ليه ياحيدر وقف الطعام في حلق بشار الذي أخذ يسعل بقوة ألتقط كوب ماء موضوع بجانبه ليدفعه كله في جوفه لينظر بعدها لفاروق بغضب خفي.. أدارت رقيه نظراتها بصمت بينهم ليهتف حيدر بذهول وعدم تركيز -مراتي مين.. فاروق بصرامه:حيدر إتعدل وركز لكلامك مراتك اللي ليها أسبوعين فوق دي والأكل بيركبلها لحد عندها أنا إيه ضمني أنها بتاكل أكلها كله أنا قولتلك مش عايز يحصل لابنك حاجه -آآآآآه.. قالها حيدر كمن تذكر شئ ليردف بعدها ببرود -لا هيا مش بتاكل أصلا فاروق غاضبآ:مش إييه؛ نعم إزاي يعني مش بتاكل وانت روحت فين والخدم راحوا فين حيدر بضيق:وأنا مالي يافاروق باشا واحده مش راضيه تاكل تلقيها شغاله تبكي علي أبوها فوق أعملها أيه انا كمان أروح أحطلها الأكل في بوقها وأكلها ضرب فاروق بكفه علي الطاوله وهو يزمجر بغضب -إتوزن يا أستاذ وانا قلتلك قبل كده أنها مسئوليتك وملكك وأكلها وأكل أبنك من مسئوليتك.. قوم ياحيدر هاتها تاكل هنا ومن هنا ورايح هتاكل معانا هنا صاح بشار غاضبا : معانا إيه ياباشا شويه شويه هتقولي ناخدها بالاحضان وتبقي مننا ماتقول كلام يتبلع ياباشا نظر فاروق لبشار بلامبالاه ليزيد من حنقه أكثر وهو يردف بأمر - قوم هات مراتك ياأستاذ ولو عرفت أنها مش بتاكل انت اللي هتتأذي زفر حيدر بغضب وهو ينهض علي نزق؛ يحضرها هذا الذي ينقصه يراها ويهتم بها ويرجع ينقبض صدره ألما ثانيه ويعود الجزء الصغير في داخله يرتاح لرؤياها.. سيضطر يراها ويتحدث معها بالتأكيد أخرج جميع مشاعره وهو يزفر بعمق علي باب غرفتها رفع يده ينوي الطرق علي الباب لتقسو ملامحه فجأه وتسود نظراته وهو يذكر نفسه بكل الوعود الذي أبرمها لن يعطيها الفرصه ليشفق عليها ركل الباب بقوة لينفتح علي مصراعيه ويراها وهي تنتفض بزعر علي سريرها.. وقف ينظر لها ببرود وهو يهتف بحده -قومي عشان تاكلي الأكل تحت جاهز خلصيني تجمد الدماء في عروقها فور رؤيته ليتبخر كل هذا وهي تسمعه يهتف بهذه الارتياحيه أيظن أنه حين يأمرها ستنفذ ألا يشعر أنهم أعداء الآن وقفت بصعوبه تتجه له وقفت أمامه بضعف بسبب ضعف جسدها لترفع يدها وتمسكه من تلابيب قميصه بقوة واهيه وهي تحاول كبح دموعها وتصرخ به بغضب -إياك تفتكر نفسك هتأمر وأنا أنفذ لافوق أنا بكرهك وبكرهوا كلكم...أنا مبقتش ضعيفه وكله بفضلك واوعي تفتكر أني هتحمل ولا هرضي أعيش وسطكم وانتوا قاتلين عيلتي لافوق أنا هقتلكم وهقتل نفسي بعدها أوعي تفتكر جميله الخايبه لسه زي ماهي لا خلاص ماتت وهتشوف كان ينظر لها ببرود وأبتسامته تزداد إتساعآ بكلامها ليهتف بمنتهى البرود -خلصتي جميله :هاا قصدك إيه إبتسامه جانبيه أرتسمت علي محياه ليديرها سريعا ويقبض علي ذراعها خلفه لتتأوة هي متألمه -اااااااااااااه إبعد عني إبعد مش طايقه لمسك ليا مش طيقاه إبعد عني حيدر بغضب:هتعرفي تخرصي خالص واللي أقوله يتسمع من غير نطيطك ده وهتاكلي غصب عنك عايزة إيه هاا عايزة إيه عايزة تأذي أبني أخذت تتلوي بعنف بين يديه ليزيد هو لوي ذراعها وهي تصيح بألم -إبنك إيه اللي بتقول عليه ده أنا بكرهك وبكره إبنك من قبل ما أشوفه حتي رفع ذراعه ليثبتها عن الحركه إلتصق ظهرها بصدره أكثر ليهمس لها بفتور -لما بتقولي بكرهك دي أنا بفرح اوي أنتي مش متخيله بتخليني أرتاح ازاي تعرفي كان نفسي يبقي أخوكي دلوقتي اللي بين إيدي عشان يموت علي إيدي أنا مش حادثه هايفه تموته جميله ببكاء منفعل : متجبش سيره عمار علي لسانك ابدا انت سامع عمار ده أحسن منك ومن كل اللي زيك إبعد عني ياقتال قتله قتلت أبويا وأخويا وعايزني أقولك سمعا وطاعه ده بعدك سامعني أدراها بغضب لتصبح أمام وجهه مباشره ليدهس ذراعيها تحت كفيه وهي يهمس بفحيح شرس وتزداد عينه إحمرار من الغضب وتبرز عروق رقبته بأنفعال -أيوة قتلته يا جميله تعرفي إزاي قتلته.. هقولك أنا مقتلتوش بالساهل كده لا أنا خليته يتعذب الأول خليته ينخدع في عياله ورتله حقيقه الملاك عمار وحقيقه بنته اللي طالع بيها السما خليته يتحسر ياجميله قبل ماقتله.؛عرفته إني هتجوزك بعد مابقيتي حامل طبعا مصدقش بس أنا دايما معايا إثباتات ماهو الانتقام مش هيبقي حلو من غير لذه العذاب ورتله صورك وانتي في حضني في اليونان فاكره ولا أفكرك ورتله بنته وهي نايمه في حضني متتخيليش نظره عينه كانت إزاي بعديها واحد، اتنين، تلاته طاااخ في قلبه اللي نزف حسره كانت دموعها تسيل بغزاره علي وجهها وهي تستمع له تحاول إبعاده عنها تريد ضربه قتله تريد الهلاك وإهلاكه اولآ.. رماها بعنف علي السرير خلفها وهو يخرج من الغرفه ويقول بغضب -وإنشله عنك ماطفحتي خرجت عاصفه الغضب خلفه وهو يغلق الباب بعنف خلفه وقف متصنما وهو يرى رقيه تنظر له بلوم أغمض جفنيه منفسآ عن غضبه لتقول هي بحزن منه -إنت إمتى بقيت كده ياحيدر أنا كآني واقفه قدام حد معرفهوش مش هو ده حيدر إبني إمتى بقيت شبهم كده حيدر بحزن يعصف جوارحه يمزفه ويفتت كل حواسه -عايزة تعرفي من إمتى بقيت كده من ساعه مابنتك ماتت ومات معاها حيدر القديم بنتك اللي انتي بتدافعي عن اللي قتلوها.. بتدافعي عن اللي جوة اللي الحيوان أخوها إغتصب بنتك وقتلها.. طخها بخمس طلقات.. خمس طلقات دخلوا في جسم بنتك وبتقوليلي إتغيرت أنا فعلا إتغيرت بس عشان انتقم لبنتك اللي إنتي نسياها وبتدافعي عن واحده تانيه أنا مستغرب مش قادر أفهمك نظرت له رقيه بألم وهي ترى أنقباض ملامح إبنها حزنا ولمعه عينه التي إحتجزت دموعه خلفها هتفت بهدوء -عشان انا مش شاكه فيهم ولا داخل دماغي إنهم هما اللي عملوا كده قلبي مش مصدق إبتسم بسخريه عليها وهو يتمتم بأستهزاء -والله براحتك بس أنا مصدق وهبقي كده معاها إذا كان عاجب رقيه:طيب ياحيدر عشان إبنك مش جميله حامل في إبنك إستحمل عشانه وانا مش هقولك أي حاجه عليها خلي في دماغك إبنك وبس زفر بغضب وهو يرحل من أمامها ويتمتم بغضب -ومين قالك إني عايز عيال أصلا تفحصته بغضب وهو يغادر من أمامها؛ فتحت الباب خلفها لتدلف إلى جميله رأتها متكورة علي نفسها علي سريرها تبكي وشهقاتها تعلو وتزيد.. رفعت جميله رأسها بعدائيه لها وهي تزمجر بعنف -أخرجي بره عايزة إيه جايه لييه جلست رقيه جانبها بهدوء رغم صياح جميله لتقول بحنيه -عشان عايزاكي تاكلي متخافيش ياجميله أنا في صفك هنا طول منتي جنبي أنا مش هخلي حد يقربلك جميله بعنف:خايفه هاهاها انا خلاص مبقتش أعرف معني الكلمه أصلا عايزانى أكل.! عايزانى أنزل اقعد في سفره واحده مع جوزك القاتل وحماكي القاتل وابنك الحقير ده لا اقتنعت بصراحه رقيه :هتصدقيني لو قلتلك اني مش مصدقه إن حيدر ممكن يقتل حيدر مش كده ياجميله يعني أتأكدي ان مش هو اللي قتل أبوكي أكيد حد تاني ضحكت جميله بسخريه وهي تقول بضحك -لا فرحت كده انا واروح اترمي في حضن حضرته إنتي بتصبريني ولا بتضحكيني النتيجه واحده مات بسببكم واحده ياهانم أبعدي عني أنا بكرهكم كلكم؛ كلكم بالنسبالي قتالين قتله رقيه:أنا هسيبك ومش هضغط عليكي بس صدقيني أنا اللي هبقي سندك في البيت ده ومش هزعل منك بسهوله إسمعي أنا هخليهم يطلعولك أكل لازم تاكلي عشانك وعشان إبنك فهماني ياجميله ربتت رقيه علي ذراعها بحنيه لتقف وترحل من أمامها راقبتها وهي تخرج من الغرفه لتقف تتجه ناحيه الباب فتحت الباب وهي تري رقيه تهبط للأسفل حركت رأسها تنظر في كل أتجاه أمامها في الردهه الواسعه وهي تراها فارغه تسللت بحذر وهي تبحث عن غرفة رقيه.. فتحت الكثير من الغرف لتقف أخيرا بعد أن دلفت بهدوء داخل غرفتها أخذت تبحث بهدوء في المكان بأكمله لتلتقط بسعاده علبه حبوب أبتسمت سعيده عندما أمسكتها بيدها خبئتها في ملابسها لتتجه إلي غرفتها بنفس الحذر دلفت إلي غرفتها لتغلق الباب خلفها بهدوء وقفت أمام مرأتها وهي تخرج علبه تحتوي على الحبوب وهي تبتسم بهستيريه -إبني إبني إبني أنا بقي مش هخلي ولا فيها إبن ولا فيها جميله فرغت العلبه علي يدها لتدفع الحبوب في فمها دفعه واحده.. أستلقت علي سريرها تحملق في السقف بسعاده -أكيد ربنا هيسامحني أنا بنقذ روح أنها تبقي أبن لواحد حيوان ميستاهلش.. أكيد يارب انت عارف أني بحرم أبني من الحياه عشان ميكبرش ويبقي زيهم أغمضت جفونها بسعاده وهي تستقبل الموت تنفست بقوة لترفع يدها تتلمس بطنها بخفه وبعدها تغلق عيناها بهدوء شديد دلفت الخادمه لتضع صينيه من الطعام في غرفه جميله وضعتها بهدوء علي طاوله صغيره تقع في زاويه مظلمه من الغرفه أتجهت ناحيتها وهي تهزها بخفه لكي تستيقظ وتأكل.. أخذت تهزها وهي تكرر أسمها ولكن لا يوجد رد وقع بصرها علي علبه مرميه بجانبها لتستوعب الوضع السيده قد انتحرت صرخت بذعر وهي تردد بصراخ -ألحقوني يالهوي يالهوي الهانم ماتت يالهوي يالهوي في أقل من ساعه كان الجميع يقفون بتوتر في رده المستشفي.. كانت رقيه تجلس على مقعد بعيده عنهم تهز قدمها بتوتر خوفا علي جميله.. وكان فاروق يركز نظره علي الحائط بصرامه ينتظر خروج الطبيب.. وكان بشار يقف كلتا يديه يضعهم في جيبه وهو متكأ علي الحائط ينظر للجو أمامه بسعاده.. وكان حيدر يقف يتصنع البرود كعادته علي باب غرفتها خرج الطبيب ليسرع حيدر ويقف أمامه وهو يسأله بلهفه مخبأه داخل طبقات صوته -هي كويسه؛ طمني يادكتور حصلها حاجه يعني أقصد أبني جراله حاجه فاروق بصرامه:إيه يادكتور في خوف علي حفيدنا نظر لهم الطبيب بعمليه ليردف -والله ياجماعه انتوا لحقتوها دي خدت حبوب كتيره دي حاله إنتـ,ـحار وكمان جسمها ضعيف اوي من الواضح انها مكنتش بتاكل والجنين ضعيف اوي مش بيوصله أكل ياريت الاهتمام يبقي أكتر من كده بس أنا مضطر أبلغ البوليس دي حاله إنتحار ولازم البوليس يتدخل نظر له فاروق غاضبا وهو يقول بهدوء مخيف -مفيش بوليس هيتدخل وأتفضل أمشي؛ بشار فهمه إحنا مين قلب بشار حاجبيه بضيق وهو يقبض علي ساعد الطبيب بقوة ويجره خلفه التفت فاروق بغضب لحيدر وهو يهتف معنفا له -هو ده اللي أمرتك بيه؛ أبنك يموت في غمضه عين كده مش عارف تشكم مراتك نشكمهالك إحنا نظر حيدر له من زاويه عينه ليتركه ويسير إلى غرفتها كانت تريد قتل نفسها بهذه السهوله كيف لها أن تتجرأ لفعل هذا كيف لها أن تفكر هكذا.. برر لنفسه أنه لايريدها ان تنهي هي حياتها بنفسها أجل هو ا لذي يجب أن يقول متي تموت ومتى تحيي وقف بجانبها وهو يراها مستلقيه علي سريرها لتبعد بصرها عنه وهي تردد بجفاء وقهر -انا مش هستسلم ياحيدر أنا مش هخليك تبقي أبو أبني والمره دى لحقتوني المره الجايه لا… ¿¿¿¿ كانت جميله نائمه علي سريرها وكل جزء في جسدها يؤلمها بشده العلاج والادويه التي تأخذها تهلكها لاترتاح سوي عندما تأخذ الدواء الاخير الذي كان به نسبه منوم تأخذه ولا تشعر بشئ سوي النوم الذي يتسرب لجفنيها.. كانت لياليها طويله لاتشعر بها بسبب نومها ونهارها طويلا شاقآ تتألم فيه لم تكن بجانبها سوي رقيه التي أعتنت بها كثيرا وأحتوتها في مرضها كانت تجلس معها نهارها ولا تغادر ليلا علي الرغم من نوم جميله فكانت تنام معها في غرفتها.. أكتسبت ثقتها جدا وأصبحت تأتمنها علمت أنها ليست مثلهم هي إمرأه طيبه رقيقه القلب والروح كانت تعتني بها كأبنه لها كانت تري في عيناها حب والدتها وكانت رقيه تري بها إبنتها التي آفتقدتها لم تكن جميله تري حيدر سوي عندما تشارف علي النوم يأتي يطمئن عليها من والدته وكان يجدها نائمه كانت تسعد كثيرا أنها لاتراه بالرغم من صياح قلبها بأشتياقه ولكن كفي هي أتخذت قرارها أنها ستمقته؛ ستكرهه؛ ستسلب منه كل مايحب وتجعل قلبه ينزف آلما كما أدمي هوقلبها رتبت رقيه ملابس جميله في خزانتها لتقول وهي تتجه لتجلس بجانبها -هاا ياجميله زي مااتفقنا أنا من النهارده هروح أنام في أوضتي ماشي يا حبيتي جميله بفتور:اللي تشوفيه يارقيه هانم ألتقطت رقيه صحن به بعض الفواكه لتأخذ تفاحه وتبدء في تقطيعها بالسكين وهي تردف بحنو -بس تعقلي ياحبيبتي وتحافظي علي نفسك وعلي إبنك صدقيني ياجميله مهما كان زعلك من حيدر طلعي أبنك من حساباتك يعني انتي مش نفسك تشيلي أبنك بين اديكي زفرت بألم وهي تسند رأسها علي ركبتها وتقول بألم -حاضر اللي عايزاه انا هعمله.. رفعت رأسها مركزة في حركه السكين أمامها وهي تكمل -وأكيد أنا هعمل المستحيل عشان مصلحه أبني يارقيه هانم رقيه:ربنا يهديكي ياجميله وكمان.. قاطع حديثها طرقات الباب الملحه للدخول تركت الصحن الذي بيدها مكانها علي السرير لتقف وتتجه ناحيه الباب.. تتبعتها أعين جميله بتركيز لتراها وهي تخرج من الغرفه ألتقطت السكين بسرعه لتضعها تحت وسادتها بهدوء لتتمدد بعدها علي السرير بملامح ساكنه مخيفه وقفت رقيه أمام حيدر وهي تسأله بأستغراب -فيه أيه ياحيدر عايز أيه تنتحنح بتوتر أمامها ليخرج يده من جيب بنطاله ينزع الكيرفت خاصته وهو يغمغم -هو.. أنتي هتباتي مع جميله النهارده -لا ياحبيبي من النهارده هرجع اوضتي زفر حيدر بضيق وهو يردف -يعني إزاي ياماما هتخليها تبات وحدها دي بقت مخبوله وممكن تعمل حاجه في نفسها انتي مش بتشوفيها مش بتقعد علي بعضها إزاى تأملته رقيه بتفحص لتردف بخبث -بس مينفعش كده ياحيدر ابقي جنبها ليل ونهار وهي أكيد مش هترتاح برده بس طالما خايف عليها كده بات انت معاها انت جوزها أجفل لمعنى حديثها ولم ينتبه إلى مغزاه وأخذ يتردد في عقله كلمتها فقط خائف عليها.! من الذي يخاف هو وعلي من عليها.! بالتأكيد لا فقط شعورة بالذنب ناحيتها الذي يتملكه ولايريد تركه بالرغم من تخليص نفسه من كل ذنب تجاهها وتبريره كل شي ولكن لا هو لايستطيع ان ينكر إن ذنبها يقتله يخنقه ويضيق عليه حياته وكذلك أوامر جده أجل هو فقط يريد الحفاظ على الطفل كما يريد جده.. كمايريد هو يفعل حيدر كما يريد دائما يكون حيدر قيد التنفيذ فاق من شروده علي صوت والدته التي تنظر له بأمل إصلاح كل شئ اوحتي أن يلحق المتبقي ولا يفسده.. إستدارت رقيه لتسير ناحيه غرفتها تاركه له المجال للدخول لها كانت نظراته زائغه على باب غرفتها وطبول قلبه تقرع بقوة قلبه يأبى وعقله يرفض أمسك مقبض الباب يديره بهدوء يعصف جوارحه ليخطو أولي خطواته داخل غرفتها.. وقف متصنما ينظر لها وهي ممدده علي سريرها.. ممدده كجثه هامده سحبت روحها ومات جسدها تخشب جسدها بقوة ورائحته التي غزت روحها وأستشعرتها كل خليه بها لتهتف طالبه رؤيته رفعت أناملها تمسح دمعه هربت من بين جفونها تعيش في صراع نهايته الجنون تتعذب في قربه ولا تقدر علي بعده.. قبض حيدر علي كفه بقوة وهو يستعيد أنفاسه المهدره ليردف بخشونه -جميله… أبتسمت بألم وهي تعتدل لترمقه بكراهيه تتصنعها -إطلع بره أنا مش ضامنه رده فعلي هتبقي إيه وانا وانت في أوضه واحده لم يهتم لكلامها ليتجه بخطوات سريعه ليجلس علي حافه السرير وهو يقول بأمر -أمي مش هتبات معاكي تاني وانتي هتباتي وحدك فأنا جيت أقولك انك تعملي حسابك اني انا اللي هنام معاكي هنا هبت واقفه علي السرير وهي تصيح به بغضب -ايه اللي هتنام معايا ده اوعى تكون فاكر نفسك جوزي وهنام في أوضه واحده والكلام ده لا فوق لكلامك حيدر وهو لايزال يجلس ويتصنع الهدوء -جميله إهدي عشان انا لسه عامل حساب حبك ليا وانك أم ابني وبعدين انتي عايزانى أسيبك هنا وحدك عشان تعملي في نفسك حاجه تاني وتأذيلي أبني انتي مجنونه انحنت سريعا وهي تلتقط السكين من تحت وسادتها وترجع بجسدها إلى الوراء لتشهر السكين في وجهه وهي تقول لاهثه -ده هيبقى علي جثتي ياحيدر علي جثتي لو بقينا انا وانت في مكان واحد ولو مطلعتش دلوقتي هقتلك ابنك اللي فرحانلي بيه ده إطللللللع أبتعد للوراء بقلق ليرفع يده أمامه وهو يهدئها بأرتباك -طيب أهدي أهدي خلاص انا خارج سيبي السكينه ده من يدك أغرقت دموعها وجهها وهي تنظر له بفك مرتعش وتهذي بهستيريه -حب إيه اللي انت عامل حسابه ده هاااااا حب إيه أنا علي قد ماحبيتك علي قد ماكرهتك متتصورش كرهي بقي ناحيتك إزاي انت زباله ياحيدر زباله عرفت تضحك عليا صح عرفت توهمني وعرفت تخليني اتجوزك بعد ماكنت قاتل أبويا حب.. أخذت تضحك بهستيريه أمامه ليقبض قلبه أكثر عليها وهو يردف بخوف -صدقيني ياجميله خلاص إبعدي السكينه دي من إيدك ومش هتشوفي وشي تاني صدقيني أعادت بصرها ثانيه له ليحل محل الضحك بكاء -أصدقك.! منا صدقتك كتير وكنت كل مره تبقي كداب انت زيفتلي كل الحقايق انت لعبتها صح اوي مش انا واحده غبيه ومدلعه بس أي واحده مكاني كانت هتوقع في فخك انت رسمته وخططته صح أي واحده مكاني كانت لايمكن تكدب الحب اللي في عينك لايمكن تكدب حنيتك دي لايمكن تكدب الوشم اللي كان علي صدرك.. صمتت وهي تحملق فيه لتقفز من علي سريرها وهي تتجه له بهدوء وتردد -الوشم.. أكيد كان كدبه تانيه من كدبك أكيد مش هتدق وشم علي صدرك عشان كدبه وقفت أمامه وهي تنزع له قميصه بجنون.. أغمض عينه مستسلما للمساتها عليه ليفتح عينه بحسره علي شهقاتها أسندت جميله رأسها علي صدره العاري وهي تقول ببكاء -ليه بتعمل فيا كده ليييه ليه بتعذبني كده قولي لييه كل ده عشان تنتقم من واحده ملهاش دخل في ولاحاجه من اللي بينكم ليييه ياحيدر خونتني بالطريقه دي لو كان الوشم ده كدب كان هيبقى آريحلي من انه حقيقه حراام علييك حرااام رفع حيدر وجهها بكفه ليمد أنامله يمسح دموعها -جميله إهدي فوقي.. إرجعي لعقلك أنتفضت عنه فزعه لتزيحه بقوة بعيدا عنها وهي تهدر به بعنف -إيدك متلمسنيش تاني إنت عارف انا حاسه بإيه تعرف نفسي أعمل إيه نفسى أقطع من لحمك نفسي أقتلك يمكن أرتاح روح شيل اللي عامله علي صدرك ده خلاص كل حاجه اتكشفت مش لازم تكمل انت تمثيل ولا أشلهولك أنا أغمض عينه بضيق علي كلامها ليفتح عينه بهدوء جعلها ترتعد للخلف إخذ يقترب منها بهدوء لتتسمر هي في مكانها بقوة وقف في مقابلتها وهو يقترب أكثر حتي ألتصق بها ركز في عيناها ليقبض علي يدها بقوة ألمتها وهو يرفعها تجاهه ليقول بهدوء -عايزة ياجميله تقطعي من لحمي صح وانا عايز أنهى المسرحيه دي وابطل تمثيل زي ماقلتي يبقي نعمل كل ده مع بعض غرز السكين في صدره ناحيه الوشم ليحرك السكين ويجرح به صدره ألتصقت دمائه في ثيابها ليملئها.. أخذت تتلوي بذعر أمامه وهي تجرح صدره بيدها أزاحت يده الممسكه بكفها بقوة ليبتعد الي الوراء أقتربت منه سريعا وهي تبكي بخوف لتلمس الجرح بتوتر بتنظر في عينه بخوف وهي تراه يغمض عينه متألما نزعت سترتها من عليها لتضمد صدره بهستيريه ويديها ترتعشان بخوف ربطت صدره وهي تري الدماء تتناثر لتملئ قميصها ويديها.. توقفت فجأه لترجع للوراء بظهرها لتقع جالسه علي السرير ببرود لهثت بقوة لترفع يدها تضعها علي قلبها بقسوة رفعت بصرها له لتبتسم بمراره وهي تقول بنبره باكيه -بس حلو العرض ده كمان اتأثرت بيه عشان لسه غبيه بس كده خلاص روح مثل علي حد غيري انا أكتفيت منك إطلع بره إطللللللع قالتها صارخه ليتركها ويخرج من غرفتها بضيق ذهب لغرفته مذبوحا متألما بجرح روحه التي ماتت قهرآ عليها وجع روحه فاق وجع جرحه ليتغلب عليه في الألم وقف أمام مرأته لينزع قميصها من عليه وهو ينظر له بضيق ضيق من جرحها منه.. ضيق من كرهها له.. ضيق من نفسه ومنها ومن الجميع رفع كفه ليكسر المرآه بقبضته بقوة وهو يصيح متألما من كل شئ وقفت جميله تبحث في الغرفه بجنون علي هاتفها وهي تمسح دموعها بأستمرار ألتقطته لتتكور علي الارضيه بجانب السرير ضعطت بعشوائيه علي الأرقام لتضعها علي أذنها وهي تتمتم بأختناق -انا حاسه انك عايش يابابي والنبى تبقي عايش يارب بقي يارب.. يارب يابابي رد عليا رد ابعدته عن أذنها بتوتر وهي تصيح بألم -آآآآآآآآه آآآآآآآآه أكد شكوكي يابابي وهخليك عايش عشاني آآآآآآآآه خرج حيدر من مرحاضه بعد أن ضمد جرح صدره كان يغلق أزار قميصه بأهمال وعلامات الوجوم تىتسم علي صدره أبتسم ببرود وهو يقول بصرامه -فاروق باشا خير أول مره تزورني في أوضتي قالها وهو يرمق فاروق الجالس علي مقعد بجانب المرأه ببرود قلب فاروق عينه بملل ليردف بتساؤل -انت مش بتنام في أوضه مراتك ليه زفر حيدر بغضب ليجلس على السرير مقابل فاروق بضيق وهو يتمتم بضيق -انت فاكرنا متجوزين بجد أمال لو مكنتش الحكايه كلها متألفه على إيدك كنت عملت أيه كل يوم والتاني تطلعلي بحاجات غريبه مره أكلها مره نام في أوضتها هو فيه إيه هي مراتك ولا مراتي انا مرتاح كده ضرب عصاه بقوة علي الارض وهو يصيح في حيدر بغضب -حيدر أظبط انت بقيت تنسي نفسك كتير اوي وانت عارف انا من النوع اللي مش بيقدر مسح علي وجهه بقوة وهو يغمغم بصرامه -أسف ياباشا فاروق بأمر:انا شايف أن جميله أعصابها تعبانه وسمعت كمان ان ده خطر على حفيدي.. زفر حيدر بضيق ليكمل فاروق -انا بقول تاخدها وتغيرلها جو كان يوم في أي حته روح الحتت اللي انت بتحبها أكيد هتعجبها هديلها أعصابها ورجعها حيدر بأستغراب :اهدي لمين أعصابها يافاروق باشا جميله مش طايقه تشوفنا ولا بتطيقني ولا بطيقها مش بعيد ألقاها هربانه مني نظر له فاروق بأستخفاف :وانت هتسيبها تهرب كده مالك ياحيدر خبت كده أرجع لنفسك ياحفيدي أنا أمرت بتجهيز اليخت بتاعك وبليل تبقي انت وهيا هناك قال بقيه كلماته ليرمق حيدر بأستخفاف ويخرج.. القي حيدر جسده علي سريره بأرهاق وهو يغمغم بضيق -انا مش عارف عايز توصل لإيه يافاروق ياحريري أستقام ليخرج من غرفته متجها إلى غرفة رقيه وهو يغمغم ببرود -سمعا وطاعه ياجدي… دلف حيدر إلى رقيه ليجلس بجانبها متضايقا وهو يقول بصراحه -بصي ياماما انتي هتروحي لجميله وتقوليلها انك هتاخديها مشوار وترجعي هتاخديها علي اليخت بتاعي وانا هبعت السواق معاكي عشان يوصلك وهتسبيها وترجعي رقيه بتساؤل:وليه كل ده -مفيش ياماما مش انتي عيزاني اتقرب من جميله ماشي انا هعمل كده اهو بحاول اخليها تغير جو رقيه:طيب ما تقولها انت الكلام ده حيدر :أقولها ازاي يعني وانتي في فكرك انها هتوافق تخرج معايا بس هيا هتوافق تخرج معاكي وخليها كمان تاخد علاجها معاها عشان هيبقي فيها بيات رقيه برجاء :حيدر انا هصدقك متأذهاش -متقلقيش انا مينفعش أصلا أذيها دلوقتي.. وقف هاممآ بالخروج وهو يردف -انا هسبقكم علي هناك بس متتأخروش الدنيا ليلت *****
