نزاع ولاد الاكابر

وسط دهشة الحضور فبعضهم تفاجأ بحضور ليلة الهوارى التى ظن الجميع انها توفت وبعضهم لا يعرف من تلك الفتاة التى يحتضنها إقدام أمام الجميع..
بعد عدة دقائق ابتعد إقدام عن أحضان اختة ونظر لها وهو يبكى قائلا..
إقدام..وحشتينى ..والله ما مصدق انك جيتى
ليلة..وانت وحشتنى جدا ..وبعدين فى اخت متحضرش فرح اخوها برضة
إقدام بسعادة..تعالى جدى هيفرح اوووى لما يشوفك
ينهى إقدام حديثة وهو يمسك بيد ليلة ويسحبهاخلفة متجها بها لعبد القادر الذى يتكأ على عصاة وينظر باتجاة ليلة والدموع تستبيح وجهة وتوقف إقدام أمام عبد القادر وقال..
إقدام…اية رأيك فى المفاجأة دى يا جدى
تهبط ليلة لمستوى جدها وتلمس وجهة بحنان وقالت والدموع حليفتها..
ليلة..وحشتنى
عبد القادر. .انتى عايشةبجد
ليلة..اة ياحبيبى
عبد القادر. ..يعنى انتى كويسة
ليلة..اة ..على فكرة حضنك وحشتنى
ينهض عبد القادر ويحتضن حفيدتة وهو يبكى بشدة وليلة أيضا كانت تبكى مما جعل يوسف يغضب كثيرا بسبب دموعها أما يونس وأسر وعهد كانت الصدمة حليفتهم لأنهم لم يشاهدو دموع ليلة من قبل وتنطفئ الموسيقى ويسود الصمت المكان حتى قطعتة وفاء قائلة..
وفاء ببكاء..ليلة
تترك ليلة حضن جدها وتلتفت على أثر الصوت لتشاهد والدتها الباكية وتقول وهى تحتضنها..
ليلة..أمى وحشتينى اووى اوووى
وفاء وهى تشدد من احتضان ابنتها قائلة….وحشني يا جلب أمك ..كيفك يا بتى
ليلة..بخير ياامى
كفايا عياط بقى
قال تلك الجملة يوسف ومعالم الغضب تحتل وجهة
ابتعدت ليلة عن أحضان والدتها ونظرت ليوسف وهى تجفف دموعها وقالت بمزاح
ليلة..مالك ياض فى اية
يوسف..بطلى تعيطى
ليلة..خلاص سكت اهو
ثريا..كيفك يابتى
ليلة..عمتى ازيك وحشتينى ..والبت هدى وحشتنى هى فين
ثريا ببكاء..الله يرحمها يابتى
ليلة بصدمة..نعم!!!!هدى ماتت
إقدام..خلاص يا لولا عديها وابقو اتكلمو بعدين انا عريس يا جدعان
ليلة..صحيح مين العروسة
ثريا..العروسة تبقى هنا بنتى
ليلة..ماشاء الله ياعمتى الف مبروك
ثريا مشيرة إلى أبناء ليلة قائلة..مين دول يابتى
ليلة بفخر وهى تنظر لأحمد الهوارى بتحدى قائلة..
أحب أعرفكم جميعا..البشمهندس يوسف والدكتور يونس والبشمهندس أسر والبشمهندسة عهد اولادى
عبد القادر بسعادة..بسم الله ماشاء الله ربنا يباركلك فيهم بس انتى اتجوزتى مين وهو فين جوزك يابتى
ليلة..اتجوزت البشمهندس حسن الصعيدى من قنا يا جدى وتوفى من عشر سنين
عبد القادر. .ربنا يرحمة يابتى ويبارك فى ولادة
وبعد السلام والمباركات جلست ليلة طوال الحفل محتضنة جدها وتنظر لأحمد بحقد وتحدى ومرء الليل بسلام وانتهى حفل الزفاف بسلام وذهب إقدام وعروسة إلى الفندق الذى تم حجزه لهم ودلفت ليلة لثرايا الهوارى بعد إلحاح من جدها ووالدتها بالمكوث معهم وذهب يوسف ويونس لإحضار الحقائب من الفندق
…….
4
…………..
ثرايا الهوارى صباحا…..
فى غرفة الطعام….
يجتمع عبد القادر وأحمد وسارة وثريا ووفاء على طاولة الطعام….
عبد القادر. ..ياوفاء يابتى حد يصحى ليلة بكفاية نوم عاد
وفاء..صحيت يابوى وجالت هتتسبح ونازلة
أحمد..أنت لية خليتها تجعد اهنة يابوى
بيت ابويا وحقى
قالت تلك الجملة ليلة بعدما استمعت لحديث أحمد أثناء دخولها للغرفة ….
عبد القادر. ..صباح الخير يا جلبى
ليلة ..صباح الخير يا حبيبى..اية دا
وفاء..فى حاجة يابتى
ليلة ..الولاد فين
وفاء ..محدش صحى لسة
ليلة..لية هى الساعة كام
وفاء..الساعة عشرة يابتى
ليلة بغضب. .نعم ..فين اوضتهم
ثريا ..في اية يابتى أهدى
ليلة. .أهدى اية دا وقعتهم سودة نايمين لحد دلوقتى
وفاء ..محصلش حاجة سيبيهم براحتهم
ليلة..امى ابوس إيدك العيال دى هيجننونى ..حد يقولى هما متنيلين فين
ثريا..أهدى طيب. ..وديها يا سارة لاوضة الضيوف
سارة…حاضر ياتيتة
ليلة بدهشة..تيتة…تيتة ازاى يعنى
ثريا..دى سارة بنت هدى بنتى وأبوها يبقى أ…
وتبتر ثريا حديثها بسبب نظرات أحمد الغاضبة
ليلة بحزن. ..هى هدى خلفت
سارة بابتسامة..مش هتسلمى عليا ولا اية
ليلة محتضنة سارة…حبيبتى تعالى فى حضنى ..تعرفى أن أمك كانت أعز صاحبة ليا ربنا يرحمها
سارة..انتى بقى اللى جدو بيتكلم عنك
ليلة..ههههههههه اة انا ..انا اول حفيدة هنا عشان كدا انا اعز واحدة هنا
سارة ..طب لية قالو انك موتى
ليلة بتنهيدة..تفتكرى صعب أن حد يزور شهادة وفاة
سارة ..انا مش فاهمة حاجة
ليلة..انتى عمالة تتوهى عشان انسى الجزم اللى لسة نايمين ..يلا يابت قدامى ورينى هما نايمين فين
سارة بابتسامة. .حاضر اتفضلى معايا
سارت ليلة خلف سارة وصعدت للطابق الثانى ووقفت سارة إمام إحدى الغرف وقالت…
سارة..بصى بقا هنا اول قوضة والدور دا فية أربع قوض وكل واحد فى أولادك نايم فى قوضة
ليلة ..ماشى انزلى بقى لأن دول رجالة ومينفعش تدخلى وهما نايمين
سارة بخجل…حاضر بعد إذنك
ليلة ..اتفضلى ياقمر
وهببطت سارة ودلفت ليلة للغرفة الأولى وكانت تخص يونس ووجدته نائم عارى الصدر ويرتدى شورت قصير ..
ليلة..يونس ..يونس..أنت يا زفت
يونس بنعاس..امممممم فى اية
ليلة بغضب..أقسم بالله لو ما قمت لهخلى يومك اسود ..الساعة عشرة يا زفت
ينتفض يونس ويعتدل فى جلستة قائلا..
يونس..آسف يا لولا ..صحيت اهو
ليلة ..خمس دقائق والاقيك تحت فاهم
يونس..حاضر ياحبيبتى
وتتركة ليلة وتخرج من الغرفة وتدلف للغرفة المجاورةوكانت من نصيب أسر وكانت الصدمة حليفة ليلة عندما وجدتة نائم على أحد الكراسى الموجودة بالغرفة وامامة أحد زجاجات الخمر ولا يعى لشئ مما يحدث
ليلة بغضب. .يانهار امك اسود ..انا قولت هقتلك وادفنك هنا
وتمسك أحد الاكواب الموضوعة على الطاولة وتسكبها فى وجة ذلك الناعس..فينتفض اسر قائلا…
أسر..اية اية فى اية