نزاع ولاد الاكابر
فى المساء….
تقف تلك الحسناء أمام حمام السباحة وهى ترتدى تيشرت كت من اللون الابيض وبنطال من الجينز الازرق ونسمات الهواء تداعب بشرتها وخصلات شعرها تتمايل مع ألحان الهواء الرطب وتشعر بايدى تلتف حول اكتافها فتلتفت سريعا وتجد ذلك الوسيم مبتسم ويقول…
يوسف..اية اللى موقفك كدة يا لولا
ليلة..مفيش بشم هواء …اخواتك فين؟
يوسف..عهد كانت معايا وطلعت تغير هدومها ويونس فى المستشفى وقالى ساعة وراجع
ليلة ..واسر؟
يحك يوسف رآسة بحركة كوميدية قائلا …
يوسف..زمانة جاى
ليلة..أنت مش عارف هو فين !
يوسف..قلبك ابيض وانا هظبتة لما يرجع
ليلة..احسن لكم كلكم تتقوا شرى وقلبتى
يوسف…ربنا يكفينا شرك ويبعد عنا قلبتك يا ليلة خلاص انا هتصرف المرة دى
ليلة..انتو فاكرين انا معرفش انتو بتعملو اية تبقو أغبياء انا بعد عليكم النفس وأعمل حسابك هننزل مصر الخميس الجاى
يوسف بدهشة…مصر!لية؟
ليلة ببسمة…فرح أقدام يوم الخميس…أحجز طيارة خاصة وعاوزة اكبر عدد من الحراسة السفرية دى مش مضمونة
يوسف..انتى عاوزة تظهرى بعد العمر دا كلة
ليلة ..اة هظهر وكل واحد غلط فى حقى زمان لازم يتعاقب والعمر بيجرى وامى وحشتنى اووووى وجدى كمان
يوسف..طب وأحمد الهوارى؟
ليلة..هندمة على اليوم اللى اتولد فية ..هخلية يدوق الوحدة والذل والضياع ..هدوقة الموت كل يوم ومش هخلية يطولة
يوسف..طب لية وافقتى على الشراكة معاة
ليلة ..عشان جدى واقدام فهمنى أن الشركة كانت هتضيع ودا شقى وتعب أبويا اللى هو سرقة وخدة على الجاهز
يوسف ..هو ميعرفش انى ابنك ..بلاش ياليلة
ليلة..جة الوقت اللى كلة يعرف أن يوسف ويونس وأسر وعهد الصعيدى ولاد ليلة الهوارى جة الوقت اللى كلة لازم يتحاسب على غلطة …يلاننام عندنا شغل كتير بكرة
يوسف..حاضر..تصبحى على خير
ليلة..وانت من اهلة ياحبيبى
……
…
…
